2023 елда хәрәкәтнең яшь инспекторлары 50 еллык юбилеен билгеләп үтә

 Яшь инспекторлар хәрәкәте (ЮИД) үз тарихын 1973 елның 6 мартында башлаган.
Бу көнне ВЛКСМ Үзәк Комитеты секретариаты, СССР ЭЭМ коллегиясе һәм СССР Мәгариф министрлыгы карары белән яшь инспекторлар хәрәкәте  турында Положение расланган.
1973 ел ахырына 14 меңгә якын ЮИД отряды эшләгән, аларның слетлары һәм ярышлары оештырылган. Ике елдан соң «Орленок» лагерында ЮИДның I Бөтенроссия слеты булган.
Татарстан Республикасында яшь инспекторлар хәрәкәте ил дәрәҗәсендә беренче тапкыр 1986 елда үзләрен таныта. Нәкъ менә шул вакытта республика командасы велосипедчыларның «Имин тәгәрмәч» дип аталган Бөтенроссия ярышларында җиңүче булган.
Бүген
Татарстанда 19 мең баланы берләштерүче 1500 ЮИД отряды актив эшли. Яңа Чишмә муниципаль районында 150 укучы исәпләнгән 17 ЮИД отряды бар.
ЮИД активистлары Дәүләт автоинспекциясе хезмәткәрләре һәм «Юл хәрәкәте иминлеге» ДБУ хезмәткәрләре ярдәме белән белем бирү оешмаларында балалар белән юл хәрәкәте кагыйдәләре буенча аңлату эшләре алып бара, пропаганда материаллары чыгара, юл хәрәкәте иминлеген агитацияли, балалар белән ЮХКен булдырмас өчен рейдларда катнаша, яктылык кайтаручы элементлар тарата һәм  юлда күренерлек булсын өчен аларны ничек дөрес кулланырга кирәклеген аңлата.
Юл хәрәкәте кагыйдәләрен белүләрен, беренче ярдәм күрсәтү күнекмәләрен, төрле фигуралы каршылыкларда һәм автошәһәрчектә велосипед белән идарә итүләрен «Имин тәгәрмәч» конкурсларында  күрсәтәләр.
2017 елдан балалар сәламәтләндерү лагерында ЮИД отрядларының бушлай профильле сменасы үткәрелә.

2018 елның 4 декабрендә чараларны мәгълүмати-пропаганда белән тәэмин итү өчен Казанда, Чаллыда һәм Әлмәттә өч ЮИД балалар матбугат үзәге ачылды.
2020 елдан башлап ЮИД отрядлары педагог-җитәкчеләренең эшчәнлеге өстәмә рәвештә акчалата премия белән стимуллаштырыла.
Ел саен район һәм республика конкурслары, вебинарлар һәм форумнар үткәрелә.       
Тиздән
9 мартта Яңа Чишмә гимназиясендә ЮИД отрядлары оешуга 50 ел тулуга багышланган район слеты узачак.