Яңа Чишмә «Ландыш» балалар бакчасы җиңү яулаган

РФ Президентының мәдәният һәм сәнгать өлкәсендәге грантлар фонды «Ландыш» балалар бакчасы коллективының «Без бергә. Донбасс һәм азат ителгән территорияләрне интеграцияләүгә юнәлдерелгән проектлар» дигән проект темасын хуплаган.

Мәдәният һәм сәнгатькә ярдәм фонды гранты суммасы 324114,95 сум тәшкил иткән.

«Ландыш» балалар бакчасы коллективы район җитәкчелегеннән, мәгариф бүлегеннән, шулай ук башка балалар мәгариф учреждениеләреннән коллегаларыннан котлаулар кабул итә.

«Алынган акчаларны проект командасы (аның составына Гөлнара Нургатина, Марина Гимадеева һәм Илсөяр Колесникова керә) Габдулла Тукай әкиятләре буенча курчак театрлары өчен амигуруми техникасында кулдан бәйләгән курчаклар ясауга юнәлтәчәк. Донецк өлкәсе Донецк шәһәренең 10 балалар бакчасында тәрбияләнүчеләр өчен 10 комплект курчак әзерләү планлаштырыла. Безнең тәрбияләнүчеләр яшьтәшләре турында, аларга да ярдәм кирәклеген беләләр. Һәм алар бу эштә бик теләп катнашалар», - диде балалар бакчасы мөдире Наталья Ведякина.