«Западный» микрорайонында яңа спорт мәйданчыгы ачылды

Мәйданчыкны ачуга район башлыгы Вячеслав Козлов килгән. Ул микрорайонда яшәүчеләрне әлеге вакыйга белән котлаган һәм "Западный"да яшәүче иң өлкән һәм иң кечкенәләренә бүләкләр тапшырган. Ул биредә яшәүче балаларның саны белән гаҗәпләнгән һәм яңа мәйданчык аларга һәм аларның әти-әниләренә бик күп сөенечле һәм файдалы минутлар китерер, дип өметләнүен белдергән.  ҮКС хезмәткәрләре балаларга озын буйлы курчаклар белән очрашу оештырганнар, аларга туңдырма өләшкәннәр, ә спорт мәктәбе вәкилләре балалар өчен "Күңелле стартлар" үткәргәннәр һәм "Көнбатыш" халкына 3 баскетбол тубы бүләк иткәннәр.