1 сентябрьдән Татарстанда терроризмга каршы куркынычсызлык буенча ункөнлек башланды

1 сентябрьдән 10на кадәр республикада терроризмга каршы куркынычсызлык буенча ункөнлек үткәрелә.
10 көн дәвамында Яңа Чишмә районының гомуми белем бирү һәм мәдәният учреждениеләрендә экстремизмга һәм терроризмга каршы тору буенча чаралар булып узачак.
Район һәм республика мәктәпләрендә сыйныф сәгатьләре, милләтара һәм конфессияара мөнәсәбәтләрдә укучылар арасында толерантлыкны үстерүгә юнәлдерелгән ачык дәресләр үткәрү планлаштырылган. Музейларда экстремизмга һәм терроризмга каршы торуга ярдәм итүче лекцияләр, батырлыкка өндәүче дәресләр узачак. Шулай ук ункөнлек кысаларында 3 сентябрьдә билгеләп үтелүче терроризмга каршы көрәштә бердәмлек көненә багышланган чаралар да үткәреләчәк.