Беренче тапкыр ГТО нормаларын тапшырганнар

27 мартта Петропавел Бистәсендәге балалар бакчасында тәрбияләнүчеләр ГТО спорт комплексының башлангыч баскычы нормативларын тапшырганнар.
ГТО фестиваленең яшь катнашучыларын спорт мәктәбе директоры урынбасары Наталья Панасенко һәм ВФСК ГТО муниципаль тест үзәге җитәкчесе Сергей Финагентовлар сәламләгән, алар балаларга яхшы спорт нәтиҗәләренә ирешүләрен теләгәннәр.
«Башта балалар белән күнегүләр үткәрдек. Балалар беренче җитди сынауларга әзерләнделәр, гади хәрәкәтләр һәм күнегүләр ясадылар.
 Яшь спортчыларны гимнастика эскәмиясендә басып торган хәлдә алга таба иелү, урыннан озынлыкка сикерү, гәүдәне күтәрү (тартылу) кебек күнегүләрне башкару көтә иде. 
Барлык күнегүләр дә балаларның яшенә карап билгеләнде.
Кечкенә катнашучылар бик тырыштылар. Аларның һәрберсенә аның никадәр көчле, җитез булуын белү кызык иде.
Менә бүләкләү тантанасы. Барысы да булдырдылар, тырыштылар! Алар ГТО символикасы белән грамоталар һәм бүләкләр алдылар», - дип хәбәр итте район газетасы редакциясенә Наталья Панасенко.